Språk/Languages
Norsk Julevsáme English Русский

Gå Stáddá ållu bajemussaj jienastuváj

Gå ÅN jagen 2002 lij válljim dav jagev várij jahkan, ásadij Reiseradioen aktan Den Norske Turistforening gilppusav makkir várre dal Vuona nasjonálvárren sjaddá.
Gulldaliddje berustin gilppusis ja giesev miehtáj båhtin oajvvadusá makkir várre så dal hiebasj, nuorttat oarjás Vuonan. Maŋutjissaj lidjin vihtta loahppakandidáhta: Stáddá Divtasvuonan, Snøhetta Dovren, Romsdalshorn Møre og Romsdalen, Gaustatoppen Telemarkon ja Glittertind Jotunheimenin.
Vijdábut de dat várre mij ienemus jienajt oattjoj åvddål bårggemáno 16. biejve 2002 viddnij.

 @ Media de tjálatjin ja diededin man rájen iesj guhtik várre lij. Ja jus mij vuonaga juojddáv lijkkup, de li ietjama váre. Ulmutja viehka ållo berustin. Bájkkeavijsa ja radiostasjåvnnå nuorttalin aj vissjalit diededin jienastimes. Hasodin låhkkijt ja gulldaliddjijt telefåvnå baktu Stáddáj jienastit. Moaddása jienastin ja Stáddá lij miehtebiekkan.

Gå bårggemáno 16. biejvve bådij, de dallusj birásgáhttimminisstar Børge Brende diededij NRK Reiseradion árrat idedis jut jur Stáddá lij oadtjum ienemus jienajt. Stáddá oattjoj ålles 43 prosenta jienajs, madi Snøhetta nubben sajen lij oadtjum 38 prosenta jienajs. Jaget maŋŋela, biehtsemáno 28. biejve 2003, de Divtasvuona suohkan ásadij almulasj ávvudallamav nasjonálváre diehti. Gålmmå biejve besaj álmmuk ávvudallat. Prográmman lij duola dagu håla, tjåhkkåtuvra, ráktsa ja fanfare. Bájke årro ja dåbdos guosse ávvudallamijda båhtin. Birásgáhttimminisstar Børge Brende ja Stáddá-ráddna Arne Næss nuortas bådijga ja rámpojga várev hålajniská. Dálla, moadda jage jienastime maŋŋela, le dal vuostasj ávvo sjávvunime. Lánda álmmuk le dal hárjjánime Stáddá galggá Vuona nasjonálvárren. 1392 mehtera alla tjåhkkå tsæggu dagu agev le tjuodtjum. Ja ienep ja ienep ulmutja dasi hihkali.

Tysfjord kommune, Boks 104, 8591 Kjøpsvik
postmottak@tysfjordkommune.no
Telefon: 75 77 55 00, Faks: 75 77 55 55
www.tysfjord.kommune.no