Språk/Languages
Norsk Julevsáme English Русский

Gibttsomtjielggidus Oarjjepilárra

Gássjelisvuohtadásse: 6-
Gibttsomguhkkudahka: 13 doahkeguhkkudagá
Vuostasj jåvsådibme: Arne Næss ja Else Hertzberg, jagen 1936
Vuostasj jåvsådibme friddja gibttsomin: Håkan Bjerneld ja Lars-Göran Johansson, jagen 1972
Vuostasj dálvvejåvsådibme: Thorbjørn Enevold, Micael Sundberg ja Magnar Osnes, jagen 1988

Oarjjepilárra le Stáddá dåbddosamos gibttsomrukto. Klassihkkár le galla ja dav ajtu ánssit. Guhkket ij vuojga álkken vuojnnu, tjuovvu dajt stuorra granihttagállojt piláran oarjjeallevekka gassko. Valla muhtem hilldosystema diehti besa pilárraj ja dasi gåsstå dáv klassihkalasj gibttsomav álgá. Guokta ietjá stuoráp hilldosystema, Vuostasj ja Nuppát Amfia, rasstiji ruvtov badjelappo.

Sydpilaren @ Gå Oarjjepillárav gibtsojga jagen 1936
de rabájga Arne Næss ja Else Hertzberg ådå nuppev ruvtov bajás Stáddáj.
Dán tuvran ådå gibttsomteknihkav anijga, gå boltajt anijga sihkarvuohtan ja aj gå åvddån manájga.
Næss lij teknihkav Lullerijkan oahppam, ja dálla de dav Vuodnaj buvtij.
Teknihkalasj gájbbediddje Oarjjepilára gibttsom lij sierralágásj gássjel ja
alvadahtte dagos ja jåvsådijga, ja rukto le ájn mihtos danen gå danna le viehka alla kvalitehtta ja moadda posisjåvnå ma alvadahtti.

Bajás váttsedijn

Tjuovo nållåjt gálloj tjadá dån stuorra duolbbis gállo vásuk Tjáhppisjávre badjelin. Ale dåv tjielggis bálggáv oalgesbielen tjuovo, åtså farra unnep bálggáv gåro bielen. Stuorra tsiekkim muhtem váhko vuollegietjen mij oalges bælláj vierdaj le álggo nubbe bálggáj bajás Halls fortoppaj. Ale tjuovo nållåjt gåro bielen rássebuoldav bajás, ájnat joarke farra áttjak nammadum bálggá milta bajás oalges bielev sulle tjuohte mehtera. Dáppe muhtem nållå mierkkiji bálggáv gåro bælláj lanjáj milta. Tjuovo dájt lanjájt juova vásuk. Dáppe le álu áragiese tjielgga muohtadieblle mij soajttá njalgas ja stuorra gålloj. Oarjjepilára álggo le duolbbis ladnja man namma le Kongelosjen, sulle 100 mehtera sisi dan lanján mij álggá gånnå juovva hæjttá.

Luojttádibme

Ruvtto vuolus tjuovvu "Normalvedjav". Váttse tjáppagit vuolus, luojttáda da 15 mehtera rappeltjanástagás Mysostenin, ja joarke dågij milta gitta Halls fortoppaj. Dássta besa joarkket dågij dagá, tjuovo tjavelgav ja nållåjt dan milta. Luojttáda vijdábut luládagán buoldan, bálggá milta mav gávna láŋŋga åvddål jåvsåda gåhpåj/ájddáj Báhppatjåhkå (Presttind) ja Halls fortoppa gaskan. Tjuovo bálggáv vuolus ja oalges bælláj váj vas boadá Oarjjepilára ruktuj.

Moaddot

Moaddása farra lanjájt tjuovvu ruvta badjegietje lahka (Nuppát Amfia) váj e dárbaha gássjelap låhpalasj doahkeguhkkudagájt gibttsot. Jus Nuppát Amfiav traverseri de boadá "Normalveiena" tjavelgij jur Mysostena badjelin. Danen gå dát traverserim muhtem mudduj giettses lanjáj milta ja rabás duobddágijn de lulu doahkáj tjanádum.

Dárbulasj dárbbaga

Standard racka moatte doahkeguhkkudagájda; aktan iridisáj, bádneiridisáj ja oanegis slivŋŋasij. Guovtegerdak 60-mehterasj doage soajttá ávkken, valla ij le dárbulasj.

Tysfjord kommune, Boks 104, 8591 Kjøpsvik
postmottak@tysfjordkommune.no
Telefon: 75 77 55 00, Faks: 75 77 55 55
www.tysfjord.kommune.no